Category Archives: Narayani zone

विवेकशील पदयात्रीहरू लुम्बिनी अंचल प्रबेश- देश-व्यापी पदयात्राको २१ औं दिनमा (३ जेठ, २०७०)। शुभकामना र शुभयात्रा सबै पदयात्री साथीहरूलाई ।

मेची अंचलबाट हिंडेका पदयात्रीहरू लुम्बिनी अंचलमा । महाकालीबाट हिंडेका पदयात्रीहरू राप्ती अंचलमा ।

944593_10201153169370662_213916750_n

पदयात्रीहरू- अंगराज र पुकार ।

संयुक्त पुर्वी टोली- २१ औं दिनमा- चितवनको भरतपुरबाट हिंड्दै नवलपरासी जिल्लाको कावासोतीमा पुगी बिश्राम संयुक्त टोलीले जेठ ३- बिहान चितवन जिल्लाको भरतपुरबाट यात्रा शुरु गरि, नारायणगढ बजार र नारायणी नदी पुल पार गरेर नवलपरासी जिल्ला प्रबेश गरे । नारायणीको पुल तरेपछि अब पुर्वी टोलीले नारायणी अञ्चललाई बिदा गर्दै लुम्बिनी अञ्चल प्रवेश गरेको छ । नवलपरासीको गैंडाकोट, रजहर हुंदै र बिच बिचका चोकहरुमा सडक सन्देश कार्यक्रम गर्दै टोलीका पदयात्री साथीहरुले साँझ ८ बजे नवलपरासी जिल्लाको कावासोतीमा पुगी नवलपुर गेष्ट हाउसमा बिश्राम गरे । पदयात्रीहरूलाई खाना र बासको  व्यवस्था गरिदिनुभएकोमा ग्लोबल आइ.एम.ई. बैंक कावासोतीका शाखा व्यवस्थापक तपेन विष्टजीलाई हार्दीक धन्यवाद  । साथै शुक्रवार दिनभर हामीलाई अमुल्य साथ र सहयोग प्रदान गर्नुहुने- सबैलाई हार्दिक धन्यवाद । (पुर्वटोलीकोपुर्णयात्राविवरणयो लिंकमा हेर्नुहोला)

संयुक्त पश्चिम टोली राप्ती अंचल प्रबेश, दाङ जिल्लाको लमहीमा बिश्राम – जेठ ३ गते संयुक्त पश्चिम पदयात्रा टोलीका साथीहरुले राप्ती अन्चलको दाङ जिल्लाको पुर्व-पश्चिम राजमार्गमा पर्ने लमही बजारमा पुगी बिश्राम गरे । लमही बजारमा, बिभिन्न पेशाका युवाहरुले स्व-स्फुर्तरुपमा हामीलाई उत्साहपुर्वक साथ दिए बजारको चोकमा गरिएको सडक सन्देश कार्यक्रममा । । टोली लुम्बिनी जाने क्रममा अगाडी बढ्दैछ । नेपाललाई शान्त र संबृद्ध बनाउने हामी सबैको अठोटलाई साकार पार्न बिभिन्न पेशा (चिकित्सक, ईन्जिनियर, शिछक, सामाजिक कार्यकर्ता,  वकिल, व्यापारी, युवा उधमीहरु), का युवाहरुले हामीलाई साथ दिंदैछन् निरन्तर ।

947298_520523237983998_1179062850_n

लमही बजारमा गरिएको ‘सडक सन्देश’मा सहभागी युवाहरुको साथमा पदयात्रीहरु

सबै पदयात्रीसाथीहरूलाई शुभकामना । यस देशव्यापी-यात्रामा प्रत्यक्ष वा अप्रत्यक्षरुपमा हामीलाई साथ, सहयोग र हौसला दिने सबैप्रति हार्दिक आभार ।

(पुर्वी टोलीकी पदयात्री साथी ज्ञानु बरालकै शब्दमा २१औं दिन जेठ गते बुधबारको यात्रा विवरण –पदयात्राको २१औं दिन जेठ ३ गते शुक्रबार – भरतपुर चितवन बाट कावासोती नवलपरासी सम्म ।

“बिहान ६ बजे बास बसिएको होटलबाट निस्किएर नारायणघाट तर्पm अगाडी बढ्यौ । नारायणघाटको भरतपुर विमानस्थल नजिकै बाट सडक सन्देश शुरु गर्दै र हाकिम चौक, पुल्चोक हुदै नारायणी नदी पार ग¥यौ । नारयणी नदी संगसंगै हामीले नारयणी अञ्चल पार गरेर लुम्बिनी अञ्चल प्रवेश गरिसकेका थियौ ।

करिब ७ बजे तिर नवलपरासी जिल्लाको प्रवेश क्षेत्रमा खाजा खायौ । अगाडी बढ्ने क्रममा गैंडाकोटमा एक जना सहयोगीले २ बोतल पानी र भुजिया हाम्रा निम्ति दिनु भयो ।  मध्य दिनको १२ः१५ बजे तिर अर्का मनकारी भेट्यौ । मुकुन्दपुर – ३ का स्थाई बासिन्दा शुक्र प्र. रेग्मीले हामीलाई नारायणी नदी छेउ तिरै देख्नु भएको रहेछ । काम विषेशले नारायणघाट गई फर्किनु भएका वहाँले आफू फर्किदा सम्म हामीले वहाँको घर कटेका छैनौ भने भेट्ने र पानी पिलाउने अठोट गरि सक्नु भएको रहेछ । पुर्व गा.वि.स. सचिव पनि रहनु भएका वहाँले पानी पिलाएर हामी संग भलाकुसारी पनि गर्नुभयो ।

करिब २ बजे हामी रजहर पुग्यौ । खाना खाने उद्देश्य रहे पनि शुक्रबार त्यहाँको बजार बन्द हुने रहेछ, सबै पसल बन्द थिए । पुष्पाञ्जली फेमली रेष्टुराँ भने खुल्ला रहेकाले त्यहाँ मःमः र चिया खायौ । सोही ठाँउमा एक अवकास प्राप्त ईन्जिनियरसंग पनि भेट भयो । आनन्दवन ५, रुपन्देहीका रघुनाथ शर्मा हाल ओभरसियरहरुलाई पढाउने र विभिन्न सिंचाई तथा जलविद्युत आयोजनामा घुम्दै पुग्ने र स्वयंसेवकको रुपमा काम गर्ने गर्नुहुदो रहेछ । व्यवस्थापनमा समेत स्नातकोत्तर गर्नु भएका वहाँले परियोजनाहरुमा व्यवस्थापन पनि गर्नु हुदो रहेछ । हामीसंग भेट भई रहदा वहाँ भरतपुर तिर गईरहेको पनि बताउनु भयो ।

दिउसो ३ः३० बजे हामी सि.जी. (चौधरी ग्रुप) को कारखाना पुग्यौ । १२ वर्ष देखि सो कम्पनीमा कार्यरत हाल उत्पादन व्यवस्थापक (प्रोडक्सन म्यानेजर) तारा श्रेष्ठसंग सम्पर्क भईसकेको थियो । शुक्रबार आगुन्तुकहरुलाई घुम्न मिल्ने नियम रहेकाले वहाँले कर्मचारी विनोद चौधरीलाई हामीलाई कारखाना घुमाई दिन भन्नु भएको रहेछ । कारखाना घुम्दै गर्ने क्रममा विवेकशील नेपालीका गोविन तिम्सीनाका मित्र रुपक काफ्लेसंग भेट भयो । हाल सोही कम्पनीको पेय पदार्थको उत्पादनमा गुणस्तर नियन्त्रण (क्वालिटि कन्ट्रोल) का लागी काम गरिरहेका रुपकले हामी सबैलाई रियो जुस दिनु भयो । उत्पादन व्यवस्थापक तारा श्रेष्ठको विचारमा सबैजना आफ्नो काम प्रति जिम्मेवार र जवाफदेही हुनुपर्छ । लोभ लालच र भ्रष्टाचार नै मुल समस्या मान्ने श्रेष्ठ हामी नेपाली काम भन्दा धेरै कुरा गर्ने भएको ठान्नुहुन्छ ।

बिच बिचका चौकहरुमा सडक सन्देश गर्दै निरन्तर हिडेर हामी साँझ ८ बजे नवलपरसी जिल्लाकै कावासोती भन्ने ठाँउमा आईपुग्यौ । विवेकशील नेपालीका सदस्य ह्तेश पन्तसंग भेट भयो र वहाँले हामीलाई भोली दिनभरी साथ दिने वाँचा पनि गर्नुभयो ।
पदयात्री साथी ज्ञानु बरालका एक मित्रको सहयोगमा ग्लोबल आइ.एम.ई. बैंक कावासोतीका शाखा व्यवस्थापक तपेन विष्टले हाम्रो निम्ती आजको खाना र बस्नको व्यावस्था गरि सक्नु भएको रहेछ । आजको बास कावासोतीमा रहेको नवलपुर गेष्ट हाउसमा भयो । भोली बिहान ७ बजे यहाँका स्थानिय पत्रकारहरुसंगको भेटघाट पनि तपेन विष्टले समन्वय गर्नुभएको छ ।

आजको यात्राको क्रममा भेट हुनु भएका र सहयोग गर्नु भएका सम्पुुर्ण मनकारीहरुलाई पदयात्री तथा विवेकशील नेपालीको तर्फबाट मुरी मुरी धन्यवाद ।”

‘युवा अघि सर्छ, देश अघि बढ्छ’ विवेकशील पदयात्रा, १९ औं दिनमा (१ जेठ, २०७०) – संयुक्त टोलीहरु लुम्बिनीतर्फ अगाडी बढ्दै ।

संयुक्त पुर्वी टोली चितवन जिल्लाको ज्यामिरेमा बिश्राम – मेचीबाट हिंडेको टोली र बागमतीबाट हिंडेका दुबै टोलीको हेटौंडामा भेट भई अब दुबै संगै अगाडी बढ्दैछन्। संयुक्त टोली १९ औं दिनमा, जेठ १- बिहान ५;३० बजे मकवानपुर जिल्लाको मनहरी (सिमपानी) बाट यात्रा शुरु गरि, सुनाचरी, पिप्ले हुंदै चितवन जिल्ला प्रबेश पछि, भण्डारा, खैरेनी, बैरेनी हुदै ६;३० बजे तिर सिमलटाडीँ आइपुग्दा परेको पानी झेल्दै साँझ ७;३० बजे चितवनकै ज्यामिरेमा पुगी साथी बासु बुर्लाकोटीको निवासमा बिश्राम गरे पदयात्री साथीहरूले । ज्यामिरेमा सबै ८ जना पदयात्रीका निम्ति खाना र बस्नको व्यवस्था गरिदिनुभएमा हार्दिक धन्यवाद साथी बासुजी । (मेचीटोलीकोपुर्णयात्राविवरणतलहेर्नुहोला)

970732_10201006214266422_76229187_n

संयुक्त पश्चिम टोली बांके जिल्लाको अगैयामा बिश्राम – जेठ १ गते, महाकाली र कर्णाली टोलीको कोहलपुरमा भेट् भयो र तत्पस्चात संयुक्त पश्चिम टोलीमा परिणत भई लुम्बिनीतर्फ पाईला सार्दैछन् पदयात्री साथीहरु संयुक्त पश्चिम टोलीका साथीहरुले बुधवार बिहान १०:३० बजेतिर पुर्व-पश्चिम राजमार्गमा पर्ने मुख्य शहर-कोहलपुरमा सडक संदेश कार्यक्रम सम्पन्न गरे । उक्त सडक संदेश कार्यक्रममा स्थानीय युवाहरुको उल्लेखनिय सहभागिता रहेको थियो। सबै सहभागीलाई धन्यवाद । कोहलपुरबाट टोली दाङ जिल्लातर्फ अगाडी बढ्दै, राति बांकेकै अगैया आईपुगेर बास बसेका थिए।

253318_519758604727128_1444935507_n

सबै पदयात्रीसाथीहरूलाई शुभकामना  । यस देशव्यापी-यात्रामा प्रत्यक्ष वा अप्रत्यक्षरुपमा हामीलाई साथ, सहयोग र हौसला दिने सबैप्रति हार्दिक आभार ।

पुर्वी टोलीकी पदयात्री साथी ज्ञानु बरालकै शब्दमा १९औं दिन जेठ १ गते बुधबारको यात्रा विवरण- पदयात्राको -बिहान ५ः३० बजे हिजो बास बसेको मकवानपुर जिल्लको मनहरी गा.वि.सको सिमपानीमा रहेको तासी फुल्चुंग छोइलिंग गुम्बाबाट निस्कीएर यात्रालाई निरन्तरता दियौ । मनहरी गा.वि.स. भवनसंगै रहेको एक चिया पसलमा गुम्बाका सचिव राजु मोक्तानसंग बसेर चिया पिउदै अघिल्लो दिनको खाजा, खाना र बासको प्रबन्ध गरिदिनु भएकोमा वहाँ साथै राम कुमार पाख्रिन जी लाई धन्यवाद दियौ । सोही ठाँउमा आईपुग्नु भएका मुक्तिनाथ बास्कोटाले पदयात्राको बारेमा जिज्ञासा राखे पछि हामीले पदयात्रा र विवेकशील नेपालीको बारेमा बतायौ । लगत्तै वहाँले रु. १,०००।– यात्राको सहयोगार्थ प्रदान गर्नु भयो । वहाँलाई पनि सहयोगको लागी धन्यावाद दिई सके पछि पुनः यात्रालाई निरन्तरता दियौ । यहाँ सम्म सहयोग गर्ने राजु मोक्तान, राम कुमार पाख्रिन र मुक्तिनाथ बास्कोटालाई सह्दय धन्यवाद ।
अगाडि बढ्ने क्रममा श्री राष्ट्रिय नि.मा.वि. का प्रधानाध्यापक चन्द्रकान्त रिमालसंग भेट भयो । विद्यार्थीलाई पढाई संगै खेलकुद र अन्य गतिविधीका लागि पनि प्रोत्साहन गरि रहने चितवन घर भएका यी प्र.अ.लाई विद्यार्थीलेहरुले पनि निकै मनपराउने रहेको कुरा विद्यार्थीहरुबाटै थाहा भयो । आगामी २ वर्षमा मा.वि. बनाउने तयारीमा जुटेका प्र.अ.ले विद्यार्थीलाई टाईको व्यवस्था पनि गर्दै रहेछन् । हामीलाई लाग्यो साँच्चै झूझारु हुनुहुँदो रहेछ यहाँका प्र.अ. । पदयात्राको बारेमा कुरा भईसके पछि हामी अगाडि बढ्यौ ।

यात्राकै क्रममा भेटिनुभएका राजेन्द्र गड्तौलाले हामीलाई चिसो पेय पदार्थ (कोल्ड ड्रिंक्स) दिएर सहयोग गर्नुभयो । त्यस्तै बाटोमै भेटिएकी भवानी गड्तौलाले पदयात्री साथी ज्ञानु बराललाई यस परिश्रमपुर्ण काममा समेल भएकोमा महिलाको नाम उच्च हुने भएकाले खुशी व्यक्त गर्दै धन्यवाद सहित आफूसंग भएको रु २०।– दिनु भयो । वहाँहरुको सहयोग हाम्रो निम्ति निकै महत्वपूर्ण छ ।
बाटोमै हिडीरहदा भेटिनुभएका मगरथ गुरुङ्गले यात्राको बारेमा सोधेका प्रश्नहरुको जवाफसंगै विवेकशील नेपालीको बारेमा बताएपछि वहाँ विवेकशील नेपालीबाट निकै प्रभावित भएको बताउँनु भयो । यात्राको सफलताको शुभकामना सहित रु १००।– सहयोग स्वरुप दिनु भयो ।

सुनाचरी आईपुग्दा त्यहाँ रहेको श्री राष्ट्रिय मा.वि.का शिक्षक–शिक्षिका कृष्ण थापा र सजिता उप्रेतीसंग भेट भयो । वहाँहरुले हेटौंडामा आफूले यस्तै टोली देखेको र सो हामी नै हौं या हैनौ भन्ने जिज्ञासा राख्नु भयो । सो टोली हामी नै भएको थाहा पाए पछि वहाँहरु झन जिज्ञासु हुनुभयो । हामीले पदयात्रा र विवेकशील नेपालीको बारेमा जानकारी दिदै अन्तरक्रिया गरिसकेपछि विवेकशीलको विचार मनपराउदै सम्पर्क नम्बरहरु आदन–प्रदान भयो ।

करिब १ बजे तिर पिप्ले पुगेर आज दिउसोको खाना श्रेष्ठ क्याफे एण्ड रेष्टुराँमा खाईयो । पिप्लेमा रहेको यो रेष्टुराँ २०४२ साल देखि सेफ काम गरेका बुद्धि बा. श्रेष्ठको रहेछ । आफ्नो अलिकति मोटो शरिरका कारण बाहिर काम गर्न वा विदेश जान सहज नहुने जस्तो लागे पछि बरु गाँउकै यूवाहरुलाई सीप सिकाएर सक्षम बनाउँछु भन्ने अठोट लिएर लगभग १ वर्ष अगाडि देखि यो रेष्टुराँ शुरु गर्नुभएछ । करिब ७ जनालाई तालिम दिनुभएका श्रेष्ठले अहिले चै आफ्नो सम्पूर्ण परिवार सहित ६ जनालाई जगिर दिनुभएको रहेछ । तालिम लिएकाहरु कोही विदेश त कोही काठमाण्डौंमा गएर काम गरिरहेको वहाँले बताउनु भयो । खाना खाईसके पछि पुनः यात्रालाई निरन्तरता दियौ ।

चितवन जिल्लाको भण्डारामा पुग्दा धेरै सहयोगी ह्दयहरुसंग भेट भयो । स्थानिय परमात्मा सेढाईले पदयात्रा र विवेकशील नेपालीको विषयमा धेरै जिज्ञासु भएर सोध्नु भयो । कुरा हुँदै गर्दा वहाँले आफुसंग भएको रु.१००।– यात्राको सहयोगार्थ प्रदान गर्नुभयो । हामीले विवेकशील नेपाली लोकप्रिय भिडियो “नेपाल हाम्रो घर हो, डेरा होइन” को आवाज (अडियो) सुनायौ । एकाएक धेरै जना नजिक आउनुभयो । हामीले पदयात्राको बारेमा जानकारी गराए पछि भण्डाराका गुणराज कडेँल, पिपलकान्त ओली र रुद्र चौलागाँइले जनही रु ५०।– र नारायण बर्ताैला रु १५०।– सहयोग स्वरुप प्रदान गर्नुभयो । सहयोगी ह्दयहरुलाई धेरै धेरै धन्यवाद हाम्रो तर्फबाट ।

चितवनको खैरेनी, बैरेनी हुदै ६ः३० तिर सिमलटाडीँ आइपुग्दा पानी प¥यो । केहीबेर ओत लाग्नु पर्ने भयो । फेरी अनुकुल लागे पछि यात्रा निरन्तर गरिन्थ्यो तर अलिकति अगाडि नपुग्दै फेरी ओत लाग्नु पर्ने हुन्थ्यो ।

साँझ ७ः३० बजे हामी आजको बासको निम्ति चितवनको ज्यामिरे आईपुग्यौ । यहाँ सहयोगी बासु बुर्लाकोटीको निवासमा हामी सबै ८ जना पदयात्री को निम्ति खाना र बस्नको व्यवस्था गर्नुभएको रहेछ । पदयात्री साथी विपिन त्रीपाठीको सम्पर्कबाट आजको विश्राम बासु बुर्लाकोटीकोमा भयो ।

आजको यात्रामा सहयोग गर्ने सबैजना प्रति आभार प्रकट गर्दै आज पदयात्री साथी विपिन त्रिपाठीको जन्मदिन परेकोले उनको सु–स्वास्थ्य, दिर्घायु एवं प्रगतिको शुभकामना ।

संयुक्त टोलीमा परिणत भई लुम्बिनीतर्फ अगाडी बढ्ने क्रममा- विवेकशील देशव्यापी पदयात्राको १८औ दिन, बैशाख ३१ ।

मेची र बागमती अंचल टोलीहरुको हेटौंडामा भेट- अब संयुक्त पुर्वी टोली ।

मंगलवार- मेची र बागमतीबाट हिंडेका दुबै टोलीको हेटौंडामा भेट भयो र अब दुबै संगै अगाडी बढ्दैछन्। टोलीले हेटौंडामा पत्रकार सम्मलेनको आयोजना गरी त्यहांबाट चितवन जिल्लातर्फ अगाडी बढी बेलुका सिमपानी मनहरी (तासी फुल्चुंग छोइलिंग गुम्बा) मा बिश्राम गर्यो ।

महाकाली टोली नेपालगंजमै बिश्राम- महाकाली टोलीले नेपालगंजमा मंगलवार बिहान स्थानिय युवा क्लब, उधमी, र पत्रकारहरुसंग भेटघाट गरी, दिउसो पत्रकार सम्मेलनको आयोजना गर्दै बेलुका नेपालगंजमै बिश्राम गर्यो ।

कर्णाली टोली बांकेको कोहलपुरमा पुगी बिश्राममा –बैशाख ३० मा सुर्खेतबाट २६ किमि  हिंडी छिन्चु पुगी बिश्राम गरे कर्णाली टोलीले । बाटोमा सडक सन्देश कार्यक्रम पनि गरियो । र ३१ गते छिन्चुबाट बबई हुंदै बेलुका बांके जिल्लाको कोहलपुर शहर पुगी बिश्राम गरे, भोलीपल्ट महाकाली टोलीका साथीलाई भेट्ने आशका साथ ।

महाकाली र कर्णाली टोली कोहलपुरमा भेट्दैछन् र जेठ १ गतेबाट संयुक्त पश्चिम टोलीमा परिणत भई लुम्बिनीतर्फ पाईला सार्नेछन् ।

विवेकशील देशव्यापी पदयात्रा, १७ औं दिनमा (बैशाख ३०) – चार टोली पदयात्रीहरू लुम्बिनीतर्फ नजिकिदैं ।

मेचीबाट हिडेंको टोली नारायणी अंचलमा- मेची टोलीले १७ औं दिनमा (बैशाख ३०) मा मकवानपुर जिल्लाको हेटौंडामा बिश्राम गरे । स्थानिय पत्रपत्रिकाहरूसंग कुराकानी र भेटघाटको कार्यक्रम भयो । बिहान हेटौंडा बजार वरपर र चोकमा सडक सन्देश कार्यक्रम सम्पन्न भयो स्थानिय युवा साथीहरूकै साथ र सहयोगमा ।

 महाकाली अंचल टोलीह भेरी अंचलमा –  बैशाख ३०मा महाकाली टोलीले नेपालगंजमा बिश्राम गरे । स्थानिय मुस्लिम समुदायका युवा अगुवाहरु, बिभिन्न युवा संगठनका प्रतिनधिहरुसंग भेटघाट र कुराकानी गरे । साथै केही स्थानिय रेडियो र एफएमका पत्रकारस साथीहरूसंग पनि कुराकानी गरे, हाम्रा विवेकशील साथी कबिराज रम्तेलजीको सहयोगमा । धन्यवाद कबिराजजी ।

बागमती अंचल टोली दोस्रो दिनमा हेटौंडामा पुगी बिश्राममा- बागमती टोलीले यात्राको पहिलो दिन काठमाडौंबाट हिडीं देउराली डांडामा पुगी बिश्राम गरे ।

दोस्रो दिन बैशाख ३० मा-  बिहान सबेरै ५;३० बजे देउराली डांडाबाट हेटौंडातर्फ अघि बढे । बाटोमा स्थानियहरुसंग कुराकानीका साथै सडक सन्देश कार्यक्रम पनि गर्दै  क्रमशः अगाडी बढ्दै, बेलुकी ४ बजेतिर मेची टोलीसंग भेट भयो हेटौंडामा । यसरी मेची र बागमती टोली अब एक भएका छन् र दुबै संगै लुम्बिनीतर्फ पाईला सार्दैछन् । शुभकामना सबै पदयात्री साथीहरूलाई ।

कर्णाली टोली ९ औं दिनको यात्रामा- सुर्खेत जिल्लाबाट बांके जिल्लातर्फ बढ्दै –कर्णाली पदयात्रा टोली भेरी अञ्चलको  सुर्खेत जिल्ला सदरमुकाम बिरेन्द्रनगरबाट निरन्तर अगाडी बढ्दैछन र छिट्टै बांके जिल्ला प्रबेश गरी सुदुर र मध्यपश्चिमलाई जोड्ने पुर्व-पश्चिम महेन्द्र राजमार्गमा पर्ने केन्द्रबिन्दु कोहलपुर शहरमा पुगी महाकाली टोलीलाई भेट्नेछन् छिट्टै । (प्राबिधिक कारणवश कर्णाली टोलीनेता साथी अंगराजजीसंग हिजो टेलीफोन सम्पर्क हुनसकेन, र हामी पर्यास गर्दैछौं )

सबै पदयात्रीसाथीहरूलाई शुभकामना  । यस देशव्यापी-यात्रामा प्रत्यक्ष वा अप्रत्यक्षरुपमा हामीलाई साथ, सहयोग र हौसला दिने सबैप्रति हार्दिक आभार ।

सात अंचल पार गरी लुम्बिनीतर्फ नजिकिदैं छ -विवेकशील देशव्यापी पदयात्रा, १६ औं दिनमा (बैशाख २९) ।

मेचीबाट हिडेंको टोली नारायणी अंचलमा; महाकाली र कर्णाली अंचलका टोलीहरु भेरी अंचलमा आईपुगी बिश्राममा । अनि बागमती अंचल टोलीको यात्रा बैशाख २९ मा शुभारम्भ भयो।

सबै पदयात्रीसाथीहरूलाई शुभकामना  । यस देशव्यापी-यात्रामा प्रत्यक्ष वा अप्रत्यक्षरुपमा हामीलाई साथ, सहयोग र हौसला दिने सबैप्रति हार्दिक आभार ।

पुर्वबाट हिडेंको मेची टोली नारायणी अंचलको मकवानपुर जिल्ला, हेटौंडामा बिश्राम ।

मेची टोलीले, १६औं दिनमा पर्सा जिल्लाको परवानीपुर, सिमरा बाट मकवानपुर जिल्लाको हेटौंडा सम्म (नारायणी)को  यात्रा गरे  । बिहान ५ बजे परवानीपुरबाट यात्रा शुरु गरी, जितपुर, सिमरा एयरपोर्ट, पथलैया, पर्सा वन्यजन्तु आरक्षण केन्द्र, अमलेखगंज, गेट नम्बर ३, रातोमाटे हुदै र बेलुकी ९ बजे हेटौंडा शहरमा पुगी बिश्राम गरे  पदयात्री साथीहरूले । (मेची टोलीको पुर्ण यात्रा विवरण तल हेर्नुहोला)

कर्णाली टोलीको ८ औं दिनको यात्रा- भेरी अंचलको, सुर्खेत जिल्लाको बिरेन्द्रनगरमा बिश्राम ।

कर्णालीको पदयात्रा टोली शनिबार भेरी अञ्चलको  सुर्खेत जिल्ला सदरमुकाम बिरेन्द्रनगर आइपुगी आईतबार त्यहांबाट  निरन्तर अगाडी बढ्दैछ ।

महाकाली टोलीको ७ औं दिनको यात्रा- भेरी अंचलको बांके जिल्ला नेपालगंजमा पुगी बिश्राममा ।

महाकालीबाट हिंडेको टोलीले भेरी अंचलको बर्दिया जिल्लाबाट बांके जिल्लासम्को यात्रा पार गरे आईतबार ७ औं दिनमा ।

७ औं दिनमा बिहान सबेरै ४;३० बजे नै बर्दिया जिल्ला सदरमुकाम गुलरियाबाट पाईला अघि सार्दै बाटोमा भेटिएका बिभिन्न व्यक्तिहरूसंग कुरा गर्दै बेलुकी ६;३० बजे मध्यपश्चिमको केन्द्र नेपालगंज शहर (बांके जिल्ला) पुगी बिश्राममा ।

बागमती टोलीको यात्रा शुभारम्भ हिजो बैशाख २९मा- काठमाडौं उपत्यकाको दक्षिणकालीबाट हेटौंडातर्फ बढ्दै

पदयात्री साथी गोबिन्दजीकै शब्द साभार (फेसबुकबाट)- “आज बाग्मती अंचलको प्रतिनिधित्व गर्दै सागर नाथ र म दक्षिणकाली बाट ‘युवा अघि सर्छ, देश अघि बढ्छ’ पदयात्रा सुरु गर्दैछौ जुन हेटौडा पुगेर मेचीबाट आएका साथीहरु संगै लुम्बिनी जाने छ ! त्यहाँ पुगेर यो यात्रा नेपाललाई शान्त र समृद्ध बनाउने संकल्प कार्यक्रममा परिणत हुने छ” –

सबै पदयात्रीसाथीहरूलाई शुभकामना  । यस देशव्यापी-यात्रामा प्रत्यक्ष वा अप्रत्यक्षरुपमा हामीलाई साथ, सहयोग र हौसला दिने सबैप्रति हार्दिक आभार

मेची टोलीका पदयात्री साथी ज्ञानु बरालजीकै शब्दमा १६ औं दिनको यात्रा विवरण – “पदयात्राको १६औं दिन बैशाख २९ गते आईतबार पर्सा जिल्लाको परवानीपुर, सिमराह बाट मकवानपुर जिल्लाको हेटौंडा सम्म (नारायणी) । बिहान ५ बजे परवानीपुर, सिमराहमा हामीलाई बास दिने साथी दधिरामकी दिदी लक्ष्मी देवकोटाको निवासबाट निस्किएर यात्रालाई निरन्तरता दियौ ।

करिब ९ कि.मी. हिडेर हामी ८ बजे जितपुर पुग्यौ र चिया पियौ । त्यहाँबाट अगाडि बढ्ने क्रममा नेपाल वान् टेलिभिजनका संवाददाता श्याम गुप्तासंग बाटोमै भेट भयो । पदयात्रा र विवेकशील नेपालीको बारेमा कुरा गरिसके पछि वहाँले आउने दिनमा पनि यात्राको समाचार संकलन र सम्प्रेषण गर्ने बताउनु भयो । ८ः३० तिर सिमरा एयरपोर्ट हुदै हामी ९ बजे पदयात्री साथी ज्ञानु बरालका मामा दिनेश रेग्मीको निवासमा पुग्यौ । त्यहाँ हाम्रो निम्ति खाजाको व्यवस्था भएको रहेछ । ज्ञानु बरालकी माईजुले स्थानिय सञ्चारकर्मीहरुसंग सम्पर्क गर्न मद्दत गर्नुभयो । सिमरा एफ.एम. ९१.२ मेघाहर्जका विशाल गौतमले पदयात्री ज्ञानु बरालसंग पदयात्राका विषयमा करिब १५ मिनेटको अन्तरवार्ता रेकर्ड गर्नु भयो । बिहान १० बजेको समाचारमा पदयात्री सिमरा आइपुगेको समाचार सम्प्रेषण भयो र अन्तरवाता बेलुकी ५ः३० बजे प्रसारण हुने एफ.एम.ले बतायो ।

करिब ११ बजे तिर पथलैया आईपुग्दा स्थानिय समाजसेवी, नेता र पाथिभरा ढुवानी सेवाका सञ्चालक राज कुमार लामासंग भेट भयो । निकै लामो कुराकानीमा वहाँले लागुपदार्थ दुरुपयोगको दुव्र्यसनमा रहेका युवाहरुका लागि आफूहरुले पुनःस्थापना केन्द्र सञ्चालनको प्रक्रियामा रहेको जानकारी भयो । नारी पुरुष बराबर भन्ने कुरा नारामा मात्र सिमित रहेको धारण राख्ने वहाँले आफू ११ वर्षको हुदा वडा अध्यक्षलाई चिठ्ठी लेखेकाले स्यावासी स्वरुप २ वटा फुटबल उपहार पाएको र त्यही बेला फूटबल खेल्न र हार्नेले रु.१।– बुझउनु पर्ने नियम रखेको कुरा पनि सम्झनु भयो ।

१२ः३० बजे त्यहाँबाट निस्कदा आजको लक्ष्य हेटौंडा पुग्न अझै २९ कि.मी. बाँकी थियो । पथलैयाको बजार क्षेत्र कट्ने बित्तिकै शुरु हुने जंगलमा प्रवेश गर्दा गर्दै हामीले भोक लागेको महसुस ग¥यौ र साथी ज्ञानु बरालको माईजुले दिनु भएको सेल रोटी र बिरगंजका साथीहरुले दिनुभएको फलफूल खायौ ।

२ः०० बजे तिर पर्सा वन्यजन्तु आरक्षण केन्द्र पुग्दा त्यहाँका कर्मचारीहरु शिव नारायण शाह, प्रकाश प्र. आचार्य लगायतले चिसो पानी र पेय पदार्थ स्प्राइट प्रदान गर्नु भयो । वहाँहरुसंग केही समयकुरा गरि सके पछि यात्रालाई निरन्तरता दियौ ।

३ः४५ तिर अमलेखगंजमा चिया नास्ता गरेर आधा घण्टा पछि अगाडि बढ्यौ । चिसो हावाको बहावसंगै अर्कै वातावरणको महसुस गर्न थाल्दा याद भयो हामी भौगोलिक रुपमा चुरे भावर भनिने तराई र पहाडको संगम हुने क्षेत्रमा आईपुगेका रहेछौ । यतिका दिन तराईको मात्र यात्रा गरिएकोले हल्का उकाली ओराली शुरु हुदा हामी रोमान्चित भई रहेका थियौ र शितल हावासंगै हरियाली वातावरणले हाम्रो थकानलाई भुलाउदै हामीमा थप उर्जा प्रदान ग¥यो । यहाँबाट अगाडि बढि रहदा बादलहरुले पनि पानीका थोपाले हामीलाई भिजाउन शुरु ग¥यो । बर्षात भयो हामी धेर थोर भिज्यौ । हामी ४ ठाँउमा ओत लाग्दै यात्रालाई भने निरन्तरता दिई रह्यौ ।

५ः५० बजे तिर गेट नम्बर ३ भनेरै चिनिने स्थानमा आईपुग्दा हामीले केही फलफूल र जुस पियौ । तत् पश्चात सोही स्थानमा सडक सन्देश ग¥यौ । यही क्रममा आफ्नै निजी सवारी साधनमा आउनुभएको, सायद विदा मनाउन घुम्न निस्किएको एक परिवारका अभिभावक रुद्र खड्काले हामीलाई यात्राको बारे सोध्नु भयो साथै हामीलाई राज्यबाट केही सहयोग रहेको वा नरहेको? हाम्रो सुरक्षाको जिम्मा लिएको÷नलिएको सोध्नु भयो । वहाँको भाव अस्पष्ट भए पनि हामीले आफ्नो सुरक्षाको जिम्मा आफै बोकेर हिडेको र आवश्यक खर्चहरु पनि आफैले जुटाएको बताए पछि वहाँले रु.१५०।– सहयोग स्वरुप दिनु भयो ।

७ः३० बजे तिर रातोमाटे आईपुग्दा साँझ झमक्कै हुन थालेको थियो । अमलेखगञ्जबाट अहिले सम्मको यात्रामा जगंल मात्र रहेकाले र हेटौंडा पुग्न अझै समय लाग्ने भएकाले हामीले एउटा ट्रकमा सहयोग माग्यौ र जंगल पार ग¥यौ । ट्रकका चालक विकी लामा मिलनसार र सहयोगी रहेछन् । हेटौंडा नगरीमा प्रवेश गर्नु लगभग ५ कि.मी अगावै बस्ती शुरु भएकाले त्यहाँबाट फेरी यात्रा निरन्तर ग¥यौ ।

९ बजे तिर हेटौंडाका सहयोगी साथी महेश पाठकले जानकारी गराए अनुरुप हामी हेटौंडाको निलम लजमा पुग्यौ । त्यहाँ पुग्दा साथी महेश पाठक र बरुण गौतम हाम्रो सहयताको लागि उपस्थित हुनुहुन्थ्यो । यस लजमा खानाको व्यवस्था नभएकाले बाहिरै खाना खाएर हामी आजको विश्राम यही ग¥यौ ।

आजको यात्रामा सहयोग गर्ने लक्ष्मी देवकोटा, सिमराका रेग्मी परिवार, पतलैयाका राज कु. लामा र धुर्व लामा, पर्सा वन्यजन्तु आरक्षण केन्द्रका शिव नारायण शाह, प्रकाश प्र. आचार्य लगायत, गेट नं. ३ मा भेटिएका रुद्र खड्का, बाटोमा भेटिएका ट्रक चालक विकी लामा, हेटौंडाका महेश पाठक र बरुण गौतमलाई वहाँहरुको अमूल्य सहयोगका लागि ह्दयदेखि नै धन्यवाद , साधुभाव”

युवा अघि सर्छ, देश अघि बढ्छ – विवेकशील पदयात्रामा सामेल हुनुहोस्

आउनुहोस् हाम्रो राष्ट्रिय अभियान ‘युवा अघि सर्छ, देश अघि बढ्छ’ मा हामीलाई साथ दिनुहोस्। हामी एक-एक जनाको देनले नै यो अभियान सफल हुनेछ। छोटकरीमा जानकारी यस प्रकार छ।

-तपाँईलाई हिँडन मन छ भने कृपया हामीलाई campaigns@leadnepal.com मा ईमेल गरिदिनुहोला वा 98511-49214 मा संपर्क गर्नुहोला